当前位置:主页 > 手机生科 >【Photo Talk】嫌贵?自己影啰!摄影师10个要收足钱 >

【Photo Talk】嫌贵?自己影啰!摄影师10个要收足钱

2020-05-22 258浏览 手机生科
【Photo Talk】嫌贵?自己影啰!摄影师10个要收足钱

各位接过散job的摄影师或多或少都试过报价个时比人话贵,当时除左激气,你会点答个客先?以下介绍10个收足客钱的理由,照样答啦!

1. 时间係钱唔在讲2. 器材成本好鬼贵3. 专业开支一箩箩、4. 乜都做晒样样计、5. 专业态度无免费、6. 科技成本瓣瓣嚟、7. 经验价值唔会低、8. 个人风格最值租、9. 摆明要赚生活费、10. 助手唔驶食饭呀!?

【Photo Talk】嫌贵?自己影啰!摄影师10个要收足钱

1 时间係钱唔在讲

很多人以为摄影师搵钱很易,「玩下相机 、揿下掣,咁就有钱收!」咁易,嫌贵个D人自己唔去玩?玩下相机?实际影都未计,净係时间成本都有排计!搬啲器材去你公司同你影product相唔使时间?如果拍摄现场山长水远、交通唔使时间呀?影Big day由朝影到晚,任你谂呢啲都係时间!就算studio job都唔好净係计影相时间,影之前预备、影完收拾,都係钱!

【Photo Talk】嫌贵?自己影啰!摄影师10个要收足钱

摄影师的时间没有免费,就算逐粒钟计都係要钱,况且时间是最基本的成本,其他成本以下逐样计!所以唔好讲到摄影师玩玩下;专业服务一向分秒都要计到足,律师、医生、会计师,计费都会计时间,因为时间就是金钱!

2器材成本好鬼贵

再讲番有啲人以为摄影师揿下掣就有钱,以下就跟大家计下这些「掣」的成本,唔通D客真係以为摄影师「买个掣返嚟」都唔使钱?一部顶级DSLR讲紧港币几万蚊!有机身就有镜头,多两支镜头又要钱,开机开个Pelican又要钱,撑住部相机的脚架又要钱,买支B1开工又要钱,唔通真係拎神牛开工咩!

【Photo Talk】嫌贵?自己影啰!摄影师10个要收足钱

买了器材都未必一了百了!家阵好多相机、就算专业级都好化学,D掣拧多几次又话会散、有D机连反光镜都话会跌出来,影影下又话公ERR,拎返上原厂整?其实边有得整,坏边忽换来边忽,一句讲晒:全斗换! 保养期坏就话有得整,如果水货就贵到你惊(有牌子係水货都唔整?呢d公司服务咁绝,梗係唔帮趁佢!)坏机就大大镬!分分钟一部相机换两三个parts就贵过买部新机!

而且,出得嚟做生意啲器材就唔可以求求其!唔通真係搵部入门机就可以搵食咩!?见得客至得㗎!所以摄影师做job啲器材成本一定要计,唔可以免费!正所谓酒楼摆酒啲杯杯碟碟刀刀叉叉的成本,你估唔计呢? 全部都要计!私家医院一块棉花都同你计!所以摄影师出job件件器材都要计成本,千祈唔好免费,点计?市价租几多计几多,business is business!